19

നെ​ടു​ങ്ക​ണ്ടം: ഒ​രു സു​പ്ര​ഭാ​ത​ത്തി​ൽ പു​ഷ്പ​ക​ണ്ട​ത്തെ പോ​സ്റ്റ് ഓ​ഫീ​സ് അ​ധി​കാ​രി​ക​ൾ ആ​ന​ക്ക​ല്ലി​ലേ​യ്ക്ക് പ​റി​ച്ചു​ന​ട്ട​പ്പോ​ൾ പോ​സ്റ്റ് ഓ​ഫീ​സ് ന​ഷ്ട​മാ​കാ​തി​രി​ക്കാ​ൻ പു​ഷ്പ​ക​ണ്ടം നി​വാ​സി​ക​ൾ അ​ധി​കാ​രി​ക​ൾ​ക്ക് ആ​ദ്യം ക​ത്തെ​ഴു​തി.​ എ​ന്നാ​ൽ, പോ​സ്റ്റ് ഓ​ഫീ​സ് കെ​ട്ടി​ടം ശോ​ച​നീ​യാ​വ​സ്ഥ​യി​ലാ​ണെ​ന്നും ഇ​ട​പാ​ടു​ക​ൾ കു​റ​വാ​ണെ​ന്നും പ​റ​ഞ്ഞ് അ​ധി​കൃ​ത​ർ കൈ​ക​ഴു​കി​യ​പ്പോ​ൾ ര​ണ്ടും ക​ൽ​പ്പി​ച്ച് പു​തി​യ കെ​ട്ടി​ടം നി​ർ​മി​ക്കാ​ൻ നാ​ട്ടു​കാ​ർ കൈ​കോ​ർ​ത്തു.
പു​ഷ്പ​ക​ണ്ട​ത്ത് പ്ര​വ​ർ​ത്തി​ച്ചി​രു​ന്ന പോ​സ്റ്റ് ഓ​ഫീ​സ് ആ​ന​ക്ക​ല്ലി​ലേ​ക്ക് മാ​റ്റാ​നാ​ണ് അ​ധി​കൃ​ത​ർ തീ​രു​മാ​നി​ച്ചി​രു​ന്ന​ത്. നാ​ട്ടു​കാ​രു​ടെ പ്ര​തി​ഷേ​ധം വ​ക​വ​യ്ക്കാ​തെ ത​ദ്ദേ​ശ തെ​ര​ഞ്ഞെ​ടു​പ്പ് ഫ​ലം വ​ന്ന ക​ഴി​ഞ്ഞ ഡി​സം​ബ​ർ 13 നാ​യി​രു​ന്നു അ​പ്ര​തീ​ക്ഷി​ത നീ​ക്കം. ഇ​തി​നു പി​ന്നാ​ലെ വ്യാ​പ​ക പ്ര​തി​ഷേ​ധ​വു​മാ​യി നാ​ട്ടു​കാ​ർ രം​ഗ​ത്തെ​ത്തി. പി​ന്നീ​ട് പോ​സ്റ്റോ​ഫീ​സ് പു​ന​രു​ദ്ധാ​ര​ണ സ​മി​തി രൂ​പീ​ക​രി​ച്ചു.

പോ​സ്റ്റ് ഓ​ഫീ​സ് തി​രി​കെ ന​ൽ​ക​ണ​മെ​ങ്കി​ൽ കെ​ട്ടി​ടം പു​ന​ർനി​ർ​മി​ക്ക​ണ​മെ​ന്നാ​യി​രു​ന്നു വ​കു​പ്പ് അ​ധി​കൃ​ത​രു​ടെ നി​ബ​ന്ധ​ന. നാ​ടൊ​രു​മി​ച്ച​പ്പോ​ൾ ഒ​ന്ന​ര​ല​ക്ഷ​ത്തോ​ളം രൂ​പ സ​മാ​ഹ​രി​ക്കാ​നാ​യി.​ ഇ​തു​പ​യോ​ഗി​ച്ച് കെ​ട്ടി​ടം പു​ന​ർനി​ർ​മി​ച്ചു.

മേ​ൽ​ക്കൂ​ര​യു​ൾ​പ്പെ​ടെ പൂ​ർ​ണ​മാ​യും പു​തു​ക്കി​പ്പ​ണി​തു. ഇ​തോ​ടെ ആ​ന​ക്ക​ല്ലി​ൽനി​ന്നു പു​ഷ്പ​ക​ണ്ട​ത്തേ​ക്ക് പോ​സ്റ്റ് ഓ​ഫീ​സ് തി​രി​കെ​യെ​ത്തി. സ്വ​പ്നം സ​ഫ​ല​മാ​യെ​ങ്കി​ലും നി​ർ​മാ​ണ​ത്തി​നു വേ​ണ്ടി​വ​ന്ന അ​ര​ല​ക്ഷ​ത്തോ​ളം രൂ​പ​യു​ടെ ബാ​ധ്യ​ത​യി​ലാ​ണ് നി​ർ​മാ​ണ പ്ര​വ​ർ​ത്ത​ന​ത്തി​ന് ചു​ക്കാ​ൻ​പി​ടി​ച്ച​വ​ർ.

സ്വ​കാ​ര്യ വ്യ​ക്തി സൗ​ജ​ന്യ​മാ​യി വി​ട്ടു​ന​ൽ​കി​യ ഭൂ​മി​യി​ലാ​ണ് കെ​ട്ടി​ടം സ്ഥി​തി​ചെ​യ്യു​ന്ന​ത്. ഭൂ​മി പ​ഞ്ചാ​യ​ത്തി​ലേ​ക്ക് എ​ഴു​തി മാ​റു​ന്ന​തി​നും ബാ​ക്കി തു​ക ക​ണ്ടെ​ത്തു​ന്ന​തി​നും നാ​ട്ടു​കാ​രി​ൽനി​ന്നു പ​ണം സ്വ​രൂ​പി​ക്കാ​നാ​ണ് ശ്ര​മം.